La feriantoj loĝis en ripozdomo „Agat” (str. Słowackiego 14), bele situita en trankvila anguleto, kaj samtempe tre proksime al centro de kuracejo.
La ripozejo ofertas ĉirkaŭ 50 lokojn en la ĉambroj kun duŝejoj (plimulto ankaŭ kun balkonoj), lokon por ĝojfajro, sekuran parkejon.
„Agat”-a kuirejo disponigas bongustan manĝaĵon.
En la programo de la feriado oni antaŭvidis:
- lingvo-kursojn por komencantoj kaj por progresantoj (la lastan gvidis eminenta esperantistino el Toruń - Teresa Nemere)
- seminarion pri juda kulturo, kiun gvidis Tomasz Chmielik
- atrakciajn ekskursojn al proksima Tabla Montaro - en Pollando kaj en Ĉehio – inter alie al tn. Rokaj Urboj (Skalne Mesta)
- aŭtoĉaran ekskurson al tn. Safari-parko en Dvur Kralove
- viziton al Międzygórze (lulilo de Esperanto-Feriadoj), organizitaj ĉiujare, fare de vroclavaj esperantistoj ekde 1965-a jaro
- komunan kantadon, dancadon kaj ĝojfajron
- jogo-ekzercadon (por volontuloj)
- lokajn atrakciojn, i.a. koncertojn en kuracdomo kaj akvaparkon
- eblecon profiti la kuracprocedojn
Iom pli:
- la unua recenzo de partopreninto
- la dua recenzo de sam partopreninto
- la sekva recenzo (kun fotoj) de Andrzej Sochacki: http://www.esperanto.pl/page.php?tid=311445
- la artikolo de Lidia Ligęza aperinta en revuo "Pola Esperantisto"
- la adiaŭa kanto
- fotoj
