Julio 2018

Ĝenerala Kunveno de Silezia Esperanto-Asocio

24 Julio 201824 Julio 2018 - by Damjes - Leave a Comment

Estimataj anoj de Silezia Esperanto-Asocio,

Laŭ rezolucio de Estraro de Silezia Esperanto-Asocio ni kunvokas Ĝeneralan Kunvenon de Silezia Esperanto-Asocio en 18.08.2018 (sabato) je 10.00. Ĝenerala Kunveno okazos en nia sidejo, ul. Kościuszki 35a (eniro tra numero 37 apud Poŝtoficejo – Poczta Polska), Vroclavo.

Lige kun formalaj problemoj pri registrado de nia nova Statuto en Landa Juĝregistro (KRS) kaj validigo de Reguligo pri Protektado de Personaj Datumoj (GPRD/RODO) ni devas kunvoki Ĝeneralan Kunvenon. Dank’ al tio ni ordigos organizajn aferojn kaj montros novajn eblecojn de kunlaboro en nia Asocio.

Programo de la Kunveno:

Informoj pri novaj eblecoj de kunlaboro
Aktualigado de datumoj (retpoŝto)
Rezolucio pri ŝanĝoj de SEA Statuto
Liberaj postuloj

Nome de la Estraro
Michał GABOR
vicprezidanto
de Silezia Esperanto-Asocio

Feriado en Lądek Zdrój

4 Julio 20185 Julio 2018 - by Damjes - Leave a Comment

Ni proponas al Vi restadon en Lądek Zdroj en la tagoj 1-9 de septembro 2018. La programo kutima: matenaj lingvaj kursoj, ekskursoj kaj montaraj promenoj, rondaj dancoj, komuna kantado, interesaj prelegoj. La ripozdomo, kie ni loĝos, posedas lokon por bivakfajro kaj ankaŭ por gimnastiko aŭ matena dancado. Najbare troviĝas arbaro, en kiu oni povas promeni ĉiumatene. De la ripozdomo estas proksime al ĉiuj necesaĵoj: aŭtobusa haltejo, centro de kuracloko kun kafejoj, parko kaj akvofontoj. En la centro troviĝas ankaŭ historia, belaspekta termika naĝejo “Wojciech” – vere rekomendinda por uzi ĝin. Lądek troviĝas tre proksime al ĉeha landlimo, do certe nian tuttagan ekskurson ni planos tiel, ke ni vizitu landon de najbaroj.

Informilo / Aliĝilo:
PDF / DOC